Konstitutsiyaviy islohotlarning mohiyati va ahamiyati: Yangi O‘zbekiston – yangilanayotgan Konstitutsiya

O‘zbekiston Respublikasining Konstitutsiyasi xalqimiz siyosiy-huquqiy tafakkurining yuksak namunasidir. U hech kimga qaram bo‘lmasdan, erkin va ozod, tinch va osoyishta, farovon yashashning qonuniy kafolati bo‘lib kelmoqda. Bozor munosabatlariga asoslangan huquqiy demokratik davlat, kuchli fuqarolik jamiyat barpo etish borasida mustahkam poydevor bo‘lib xizmat qilmoqda.

Konstitutsiyamiz asosida mamlakatimizda milliy qonunchilik tizimi, davlat organlari, fuqarolik jamiyati institutlari shakllandi. Bugungi kunda barcha jabhalarda keng ko‘lamli islohotlar amalga oshirilmoqda. Ijtimoiy-iqtisodiy, siyosiy va harbiy salohiyatimiz yuksalib, fuqarolarimizning dunyoqarashi tobora o‘sib bormoqda. Bularning barchasi, eng avvalo, Bosh qomusimizning hayotbaxsh kuch-qudrati natijasidir.

Shu bilan birga O‘zbekiston Respublikasining Konstitutsiyasining barkamol avlodni tarbiyalashda g‘oyaviy-tarbiyaviy ahamiyati beqiyos. U yoshlarda Vatanga sadoqat, mardlik, o‘zaro do‘st-birodarlik tuyg‘ularini yuksaltirishga xizmat qiladi.

Joriy yilning 1-dekabr sanasida O’zbekiston Respublikasi Fanlar Akademiyasi Mikrobiologiya institutida professor o’qituvchilar, ilmiy izlanuvchilar va talabalar ishtirokida O‘zbekiston Respublikasi Konstitutsiyasining 31 yilligiga bag’ishlanib «Konstitutsiyaviy islohotlarning mohiyati va ahamiyati: Yangi O‘zbekiston – yangilanayotgan Konstitutsiya» mavzusida tadbir bo’lib o’tdi.

Tadbirga mehmon spiker sifdatida O‘zbekiston Milliy universitetining Falsafiy tadqiqotlar o‘quv-ilmiy majmuasi va byudjet rahbari Mahmudova Guli Tilabovna tashrif buyurdi.

Mahmudova Guli Tilabovna so’ngi 7 yil davomida bosh qomusimizda amalga oshirilgan o’zgarishlar va bu o’zgarishlarning jamiyatdagi ahamiyatlari haqida ma’lumotlar berib o’tdi. Tadbir so’ngida institut xodimlarini qiziqtirgan savollarga javob bedi.

Jadal rivojlanayotgan O’zbeiston bilan hamnafas bo’lib yashash uchun bunday tadbir va davra suhbatlarining tez-tez o’tkazilib turilishi fuqorolarda huquqiy ongning o’sishiga olib keladi.

Mikrobiologiya instituti rahbariyati va xodimlar nomidan Mirzo Ulug‘bek nomidagi O‘zbekiston Milliy universiteti rahbariyatiga hamda Mahmudova Guli Tilabovnaga chuqur minnatdorchilik bildirib qolamiz.